Programi i keshillimit per studentet e  diplomuar jashte vendit:

Në kuadër të strategjisë së qeverisë shqiptare për “thithjen e trurit”, gjatë vitit 2007 Departamenti i Administratës Publike në bashkëpunim me Rrjetin e Studentëve Shqiptarë në Botë - AS@N, zhvilloi praktika sezonale pune, dy dhe tre javore, me studentë që studiojnë jashtë vendit.
Kjo iniciativë, ka një impakt të madh social në brezat e rinj dhe synon të hapë administratën publike ndaj publikut të gjerë. Zhvillimi i saj me sukses, i shërben si interesave të institucioneve të huaja, ashtu dhe imazhit demokratik që administrata publike synon të reflektojë në faktorin brenda dhe jashtë vendit.
Njëkohësisht, kjo iniciativë ka për qëllim të zhvillojë e forcojë përgatitjen arsimore të studentëve dhe të orientojë ata në ambjentin e punës, ndërkohë që janë në përfundim të studimeve të tyre.
Për më tepër informacion mbi praktikat dhe mënyrën e aplikimit, drejtohuni në:
www.asan.al
info@asan.net.al
asankontakt@yahoo.com
Gjithashtu, theksojmë se në vijim të praktikave studentore, si dhe në kuadër të iniciativës së ndërmarrë nga Universiteti i Tiranës, për përfshirjen në programet mësimore të studentëve të vitit të katërt, një periudhë praktike mësimore dy javore, Departamenti i Administratës Publike në bashkëpunim me Fakultetin Ekonomik dhe Universitetin Marin Barleti, zhvillon praktika pune mësimore për studentë të cilët janë në përfundim të studimeve të tyre.
Kjo iniciativë, është në frymën e praktikës tashmë me shtrirje vjetore që Departamenti i Administratës Publike ka ndërmarrë për punësimin sezonal të studentëve të fakulteteve të ndryshme, duke mundësuar kështu shkrirjen e pregatitjes akademike me praktikën reale pranë institucioneve të administratës publike.

Nese jeni te interesuar per tu bere pjese e ketij programi mund te dergoni nje aplikim te shoqeruar me CV ne adresat e email-it axhaxhiu@moi.gov.al ose mmejdini@moi.gov.al  dhe te hyni ne bazen tone te te dhenave. Departamenti i Administrates Publike ne rast te kerkesave per konsultime do te caktoje nje takim me te interesuarin brenda dy diteve nga data e depozitimit te kerkeses
Departamenti i Administratës Publike, dëshiron të falenderojë institucionet e përfshira në këtë iniciativë dhe shprehet i gatshëm për bashkëpunime të mëtejshme.

Adresa: Sheshi Skëndërbej, nr. 3, Tiranë Shqipëri, Kutia Postare Nr. 1751 Tel/Fax: +355 4 251241, 235937
www.pad.gov.al

Ju mirepresim.